Aduna bay usa ka Dios? Aduna bay labing taas nga binuhat o magmamando sa uniberso? Unsaon nako pagkahibalo? Ang tubag niini nga pangutana mahinungdanon tungod kay, kung adunay usa ka Dios ug ako wala magtagad Kaniya, unsa kahay sangputanan?
Adunay mga pangutana nga nagkinahanglan og tubag. Nganong ania ako dinhi? Diin ko gikan? Unsay mahitabo human sa kamatayon? Unsay katuyoan sa akong kinabuhi? Kinahanglan nga adunay katarongan o rason sa akong paglungtad dinhi.
Sulod sa daghang katuigan, ang mga tawo mibati nga napugos sa pagsimba sa usa ka butang o sa usa nga mas labaw kay kanila. Ang karaang mga kultura may mga diyos sa adlaw, mga diyos sa bulan, mga diyos sa dalogdog, ug daghan pang uban. Ang pipila ka lumad nga mga Amerikano, sa dihang nadiskobrehan sa mga taga Europe, nagsimba sa ilang gitawag nga Dakong Espiritu. Ang karaang nasud nga Judiyo nagsimba kang Yahweh, Magbubuhat sa yuta. Dayag nga sa sulod sa matag tawo usa ka butang nga dugay nang may kalabutan sa mas taas nga gahum.
Sa unsa nga paagi nga ang panag-uyon ug balanse sa kinaiyahan ipasabut? Hunahunaa ang daw wala'y katapusan nga mga balay og lawa-lawa sa pagkaon (food web), sa yuta ug sa tubig. Ang usa ka hayop mao ang pagkaon alang sa lain, nga sa baylo nagpakaon sa lain. Nagpadayon ang kini nga siklo, ug kanunay adunay pagkaon alang sa uban.
Kinsay nagbutang sa kalendaryo diha sa mga ulo sa ihalas nga mga langgam aron sila mahibalo kon kanus-a ang panahon sa pagbalhin ngadto sa mas init nga klima? Sa unsang paagi sila nasayod nga ang tingpamulak nibalik na sa yuta nga libolibo man nga kilometro ang gilay-on? Ang usa makaingon nga kini maoy kinaiyanhon. Tinuod kana, apan kinsa ang nagbutang sa kinaiya didto?
Hunahunaa ang usa sa mga isda sa dagat. Kinsay nagbutang sa mapa diha sa utok sa salmon nga nagsulti kaniya kon unsaon pagbiya sa iyang balay sa dagat ug pagpangita sa suba nga sa suba mismo nga diin nagsugod ang iyang kinabuhi? Didto kini mohatag sa iyang mga itlog, ug sa dili madugay mamatay, nga maghimo og luna diha sa siklo sa kinabuhi alang sa iyang mga anak nga mosunod sa eksaktong sumbanan sa tanan niyang mga katigulangan. Nagtuo ka ba nga kining tanan sulagma lang nga nahitabo?
Nasayod ba kita nga ang uniberso maayo kaayo ang pagkahan-ay nga ang mga orasan gipunting sa pag-tuyok sa yuta ug sa nagkalainlaing mga bituon ug mga planeta. Ang paglihok niining mga butanga tukma kaayo nga ang mga eklipse ug paglabay sa mga kometa tukma kaayong matagna. Kinsa o unsa ang nagtakda niining tukma nga ritmo sa uniberso sa paglihok? Kahigayonan ra ba nga ang mga mabangis o mapintas o delikado nga lugar sa kalangitan nga kini nga yuta adunay husto nga sagol nga mga elemento nga gikinahanglan alang sa kinabuhi sa tanum ug hayop? Naa gayud siguroy nagplano niini, no?
Ang plano alang sa uniberso, kinaiyahan, atong mga lawas, ug ang atong kaugalingon nga personal nga mga panginahanglan gipahimutang sa kahapsay sa bantugan nga Dios sa langit. Walay mortal nga tawo, kaniadto o karon, nga makabaton sa maong gahom. Ang katukma ug detalye sa iyang plano nagpakita kanato nga Siya interesado kaayo sa tawo ug sa iyang kalipay.
Ang hugot nga pagtuo nagtuo sa usa ka butang nga dili nato makita. Dili kita makakita sa Dios apan nakakita kita sa mga timailhan sa atong palibut nga nagtudlo sa Iyang presensya. Ang Diyos nagtinguha nga kita dili makakita Kaniya apan nga atong dawaton ang iyang presensya pinaagi sa dayag nga mga ebidensiya nga nagpamatuod bahin Kaniya. Ang Diyos mopadayag sa Iyang Kaugalingon kanato samtang atong dawaton ang iyang presensya.
Usa sa labing makapakombinsir nga mga ebidensya nga adunay usa ka Dios mao ang pagbag-o nga nahitabo sa kinabuhi sa usa ka tawo samtang siya nakasinati Kaniya. Kadtong adunay kinaiya sa usa ka leon nahimong sama sa usa ka nating karnero. Kung adunay pagdumot, karon adunay gugma. Kung diin adunay away, adunay kalinaw karon. Kung adunay kagubot sa sulod, adunay usa ka hilum nga pahulay. Kung adunay mga pangutana nga walay katapusan, adunay pagsalig karon. Gibag-o Niya ang hakog nga tawo sa usa nga nagpakabana sa uban.
Minahal nga magbabasa, gibati ba nimo ang kaguol sa sulod o ang tinguha sa usa ka butang, apan dili ka sigurado kon unsa kana? Ayaw pugngi ang maong pagbati o pagpaningkamot nga itago kini. Kini mao ang imong kalag nga nagakab-ot sa Diyos. Ang Diyos nga naglalang sa yuta mahimong imong Diyos. Kon ikaw adunay pagtuo ug motuo sa Diyos sa langit, ang imong kinabuhi mausab usab. Imbis nga masuko sa malisod nga mga kahimtang sa kinabuhi, ikaw makapahayahay sa kahibalo nga ang Diyos nakakita ug nagapamati ug nag-aatiman.
Gipadayag sa Diyos ang iyang Kaugalingon pinaagi sa iyang Pulong, ang Bibliya. Ang Bibliya maoy kasaysayan; kini maoy tagna; kini maoy instruksiyon alang sa kinabuhi. Apan, kini mao usab ang gugma sa Diyos kanato, ug naghatag og giya alang sa sulod nga mga panginahanglan sa kalag. Basaha ang Bibliya. Sugdi sa Genesis 1:1 ug Juan 1:1-5. Basaha ang Salmo 23 ug 51. Pag-ampo sa Diyos. Siya nagsaad nga Siya makadungog kanimo.