Nahibalo ka ba nga adunay libro nga nagsaysay kung giunsa paghimu ang kalibutan? Ang una nga mga pulong niini nga libro mao kini, “Sa sinugdan gibuhat sa Dios ang langit ug ang yuta.” Kahuman niini nga mga pulong, gisaysay diha kung giunsa paglalang ang kalibutan, ug mahitungud sa unang lalaki ug babaye nga nagpuyo dinhi sa yuta. Dili lang kini nagsulti kanato mahitungod sa sinugdan sa panahon, kundi nagsulti usab kun unsa ang mahitabo kahuman niini nga kinabuhi. Sa sulod niini nga libro, mabasa nato kun unsaon pagkinabuhi nga maandam kita kahuman mamatay.
Usa kini ka daan nga libro nga sinuwat sa mga 40 ka mga nagkalainlain nga mga tawo (author) sulod sa 1500 ka tuig. Gisulat nila ang gisugo sa Dios nga isulat. Gisultian sa Dios ang mga magsusulat mahitungod sa Iyang kaugalingon. Ang magsusulat sa Geneses, ang unang libro, nagsulat mahitungod sa pagbuhat ug mahitungod usab sa lunop nga nagtabon sa yuta. Siya ug ang uban nga magsusulat, nagsulat mahitungod sa mga pinili nga mga katawhan sa Dios ug kon giunsa Niya pagmandoi sila sa paglatas sa mga katuigan. Gidasig sa Dios ang uban nga mga tawo sa pagsulat sa kasaysayan, balak, tagna, ug mahitungod sa mga saad sa Dios. Tungod kay kini nga sinuwat giniyahan sa Dios, walay lain’g ngalan nga anaa sa panguna o (book cover) niini. Ginganlag Bibliya kini, nga ang boot pasabot “ Ang Libro”. Gitawag og balaan nga Biblia, nga ang boot pasabot “Ang Balaan nga Libro.”
Ang Biblia mao ang pinaka-ilado nga libro sa tibook kalibutan. Bisan sa mga panahon nga adunay naningkamot sa pagbungkag niini, pirme kining gipanalipdan sa Ginoo. “Kondi ang pulong sa Dios magpadayun sa walay katapusan” (1 Pedro 1:25). Ang Biblia adunay 66 ka mga libro. Nabahin kini sa duha ka bahin - Ang Daan nga Testamento ug ang Bag-o nga Testamento. Ang Daan nga Tesyamento nagsaysay sa estorya sa kalibutan kung giunsa pagsaad sa Dios nga ipadala sa yuta ang iyang Anak nga si Jesus aron luwason kita gikan sa atong mga sala. Ang Bag-o nga Testamento nagsaysay kung giunsa pag-anhi sa yuta ni Jesus, ang anak sa Dios. Nagsaysay kini kung giunsa ni Jesus pagpakatawo sama sa usa ka bata. Daghang panghitabo sa kinabuhi ni Jesus nga nahisulat, uban na ang daghan nga mga milagro nga Iyang gibuhat. Gipakita kanato sa Biblia nga si Jesus ang atong hingpit nga ehemplo sa tanang butang. Sa dihang nagsulti si Jesus, naminaw ang mga tawo sa Iyang mga gipangtudlo. Daghan ang atong mabasa niini nga libro ug gitawag kini nga Ebanghelyo.
Ang Ebanghelyo ni Juan puno sa daghang pulong ni Jesus. Gisultian Niya ang mga tawo nga ang Dios mao ang iyang Amahan. Gitudloan Niya sila nga ang Dios nahigugma sa kada usa ka tawo sa kalibutan. Sa Juan 3:16 nag-iingon, “Kay gihigugma sa Dios ang kalibutan, sa pagkaagi nga gihatag Niya ang iyang Anak nga bugtong, aron ang tanan nga motoo Kaniya dili mawala, kondili may kinabuhi nga walay katapusan.” Mabasa usab nato kung giunsa ni Jesus pag-antus ug namatay para mabayran ang atong mga sala ug nabanhaw Siya aron mabuhi sa walay katapusan. Nag-ingon si Jesus kanato nga mapasaylo ang atong mga sala kung kita mutoo Kaniya. Tungod kay daghan ang mga pulong ni Jesus sa libro ni Jaan ug sayun lamang kini masabtan, usa kini nga libro sa Biblia nga angayan natong basahon.
Nakahunahuna ka ba kung unsa ang mahitabo kahuman sa kamatayon? Ang Biblia nagsulti kanato nga sa umaabot mobalik si Jesus aron sa paghukom sa tanan nga tawo. Mabasa nato kung unsaon pag-andam para niana nga panahon. Nagsulti si Jesus nga Siya mulakaw aron sa pag-andam og luna sa langit para niadtong midawat Kaniya.
Makita sa Biblia ang mga tubag sa makalilibog nga mga pangutana sa kinabuhi. Dis-a ba kita gikan? Nganu nga naa kita dinhi? Kini nga mga pangutana ug daghan pa, sa Biblia gitubag kini og Klaro. Kung ang kinabuhi nahimung lisud ug walay katuyoan, pwede kita sa Biblia mangita og tubag nga diin ang Dios nag-iingon “Igapahamatngon ko kanimo, ug igatudlo ko kanimo ang dalan nga imong pagalaktan: Sa ibabaw nimo igatutuk ko ang akong mga mata sa pagtambag kanimo.” (Salmo 32:8) Kung usa sa mga duol sa atung dughan mamatay, sa Biblia makakaplag kita og kahupayan gikan sa Ginoo. Gigamit Niya ang Biblia sa pakigsulti kanato karon.
Usahay makabasa kita og libro unya makahunahuna kita kung tinood ba kini. Nahibalo kita nga ang Biblia tinood kay kini pulong man sa Dios. Adunay gatusan ka mga bersikulo sa Biblia nga nag-ingon, “kini mao ang pulong sa Dios” daghang mga tagna nga nahisulat ug sa katapusan natuman sumala sa gitagna. Si Jesus nagsaad nga tagaan Niya og kalinaw ug kalipay kadtong midool kaniya, daghan na ang nakaexperyensya niana. Tungod sa Gugma sa Dios sa katawhan, Iyang gihatag ang iyang Pulong para sa tanan. Ang Biblia nakigstorya sa atong mga kasingkasing.
BASAHA ANG BIBLIA KARONG ADALAWA!