Sa kasingkasing sa matag tawo adunay tinguha nga mahimong luwas ug may kasegurohan. Ang gagmayng mga bata sagad mahadlok nga biyaan nga mag-inusara. Tingali mahadlok usab sila sa kangitngit, o sa wala mailhi. Ang mga bata nagtinguha sa kasegurohan nga mahuptan diha sa mahigugmaong bukton sa ilang mga ginikanan. Didto sila mobati ug pagsalig ug panalipod. Samtang kita nagkahamtong, ang tinguha nga mahimong luwas ug may kasegurohan dili gayod mobiya kanato. Kining kinaiyanhong tinguha gihatag kanato sa atong Magbubuhat. Bisan tuod ang pipila ka lalaki dili mahadlok, apan sulod sa ilang kasingkasing sila tingali nahadlok sa umaabot, pag-antos, aksidente, o sakit. Tingali nabalaka usab sila kon unsay mahitabo kanila human sa kamatayon.
Ang Diyos mao ang naglalalang sa langit ug sa yuta. Ang paglalang sa tawo mao ang kinadak-ang buhat sa iyang paglalang. Iyang gibutang si Adan ug ang iyang asawa nga si Eva diha sa usa ka paraiso nga gitawag ug Tanaman sa Eden. Sila luwas, malipayon, ug gawasnon. Dayon si Satanas mitungha sa dagway sa usa ka bitin ug naglimbong kanila. Tungod sa ilang pagkadili-masinugtanon sa Diyos, sila nawad-an sa pakig-uban Kaniya ug gilabog gikan sa Eden (Genesis 3).
Pagkadakong kausaban! Sa wala pa, si Adan ug Eva luwas ug walay kahadlok. Sila malinawon uban sa ilang Magbubuhat, nga nagtagamtam sa iyang presensiya. Karon, imbes nga adunay kalinaw sa hunahuna, dihay kasamok, pagkasad-an, ug kahadlok. Nahadlok pa gani sila sa Diyos ug nagtago gikan Kaniya! Sila nakasinati ug espirituwal nga kamatayon, nga mao ang pagkabulag gikan sa Diyos. Sa dihang ang pakig-uban uban Kaniya giputol tungod sa pagkamasupilon, dihay dakong kasakit sa ilang mga kasingkasing. Ang pakig-uban lamang sa buhi nga Diyos ang makapahimuot sa kalag.
Ang kasamok nga anaa sa sulud sa tawo maoy hinungdan sa tanang matang sa gawasnong panagbangi, nga sagad mosangpot sa pagpatay o gubat. Kanunayng adunay daghang panaglalis sa yuta; ang usa ka tribo nakiglalis sa laing tribo, ang usa ka nasod naningkamot sa pagkuha sa laing nasod ilalom sa iyang pagmando. Niining maong mga panag-away, ang usa ka nasod kanunayng makadaog, aron lamang maluya sa ulahi ug mahimong sakop sa laing nasod. Ang manalagna nga si Daniel miingon, "Aron ang mga buhi mahibal-an nga ang Labing Halangdon nga nagahari sa gingharian sa mga tawo, ug nagahatag niini sa bisan kinsa nga iyang gusto" (Daniel 4:17), ug "Gikuha niya ang mga hari, ug gibutang ang mga hari" (Daniel 2:21).
Ang daghang kaisog ug walay kahadlok nga mga buhat sa terorismo sa tibuok kalibutan nakapahugno sa seguridad sa daghang mga tawo. Kining mga panghitabo nagdala ug kahadlok sa daghang kasingkasing ug kalibog bahin sa umaabot.
Naglaum kita tanan nga magpadayon kita sa pagkinabuhi nga luwas ug malinawon. Ang kalampusan sa usa ka nasod nagdepende sa mga panalangin sa Diyos. Kung ang mga tawo maghinulsol sa ilang mga sala ug magkahadlok sa Iya, mahimo nga pilion sa Diyos nga palawigon ang mga adlaw sa kalinaw sa nasod (Daniel 4:27). Si William Wilberforce, usa ka kanhing miyembro sa British Parliament, miingon nga ang iyang paglaum para sa Britanya nagdepende "dili lang sa iyang mga navy ug army, ni sa kaalam sa iyang mga maghuhukom, kondili sa pagtuo nga adunay gihapon daghang mga tawo nga nagahigugma ug nagatuman sa Ibanghelyo ni Kristo, aron ang ilang mga pag-ampo magmadaugon." Ang kaluwasan sa usa ka nasod nagdepende dili sa gahum sa militar, kundi sa pagdaginot sa pagkamatarung ug kahadlok sa Diyos sa mga tawo niini.
Ang atong personal nga kaluwasan usa ka lahi nga butang. Pwede kita magkaangkon ug usa ka kalinaw sa sulod nato nga wala’y bisan unsang nasod sa kalibutan nga makahatag. Miingon si Jesus, "Ang akong gingharian dili niini nga kalibutan; kung ang akong gingharian ani pa sa kalibutan, ang akong mga alagad magapakig-away, aron dili ako madala sa mga Hudeo: apan karon ang akong gingharian dili gikan dinhi" (Juan 18:36). Ang mga gingharian sa kalibutan anaa sa kamot sa Diyos ug dili magpabilin hangtod sa kahangturan. Ang atong personal nga relasyon sa Diyos lahi sa ubang dimensyon. Kung kita anaa sa gingharian sa Diyos, anaa kita sa usa ka gingharian nga dili magdepende sa kalampusan o kapakyasan sa bisan unsang nasod sa kalibutan. Ang iyang gingharian mas luwas pa kaysa bisan unsang superpower. Didto kita luwas, bisan unsa pa ang mahitabo sa bisan unsang nasod. Ang mga gingharian mosaka ug moguba, apan si Jesus nagsaad nga walay tawo nga makakuha sa iyang mga anak gikan sa kamot sa iyang Amahan (Juan 10:29).
Sumala sa tagna sa Bibliya, 'ang daotang mga tawo ug mga tigpahisalaag mosamot pa sa pagkadaotan' (2 Timoteo 3:13) Ang kaugmaon wala maghatag ug kasegurohan. Ang panaglalis ug kagubot sa tibuok kalibotan mahimong modako samtang ang kahangturan nagakahiduol. Adunay usa ka adlaw nga moabut diin gitino sa Dios “ nga kinahanglan nga adunay panahon nga dili na”(Pinadayag 10:6). Sa 2 Pedro 3:10 atong mabasa,”Apan ang adlaw sa Ginoo moabot ingon sa kawatan sa gabii; diin ang mga langit mahanaw uban ang usa ka dakung kaguliyang, ug ang mga elemento matunaw tungod sa mapintas nga kainit, ang yuta usab ug ang mga buhat nga anaa niini masunog,” Ang Balaang Kasulatan nag-ingon nga ang matag tuhod moluhod, ug nga ang tanang tawo pagatigomon sa atubangan sa trono sa gamhanang Maghuhukom. Nianang dakong Adlaw sa Paghukom, sa dihang "ang langit ug ang yuta mahanaw" (Mateo 24:35), walay gahom sa yuta ang makahatag kanato ug kaluwasan. Ang tanang katawhan mohapa sa atubangan sa dakong Hari ug pagahukman. Ang mga langob o mga kuta dili makapanalipod niadtong modangop niana. Ang tanang paagi sa pagbiyahe mohunong. Ang hinimo-sa-tawo nga mga hinagiban mahimong walay kapuslanan. Walay mga tingog sa siren, walay mga kawani sa emerhensiya o sa pagpatuman sa balaod nga modali aron sa pagluwas kanato. Ikaw ug ako personal sa pag-atubang sa dakong Maghuhukom. Nianang puntoha, ang atong bugtong kasegurohan mao kon ang atong ngalan nahisulat diha sa Basahon sa Kinabuhi sa langit (Lucas 10:20). Ang atong mga ngalan gisulat niining basahona sa dihang kita maghinulsol sa atong mga sala ug motuo kang Jesu-Kristo. Siya unya mopasaylo kanato ug kita mahinloan pinaagi sa iyang bililhong dugo, nga giula sa krus aron ang tibuok kalibotan maluwas. Dayon kita gidawat ingong mga anak sa Diyos.
Ang mga anak sa Diyos dili gawasnon sa sakit o pag-antos. Mahimong mawad-an pa gani sila sa ilang kinabuhi, apan dili sila angayng mahadlok tungod kay sila luwas diha sa mga bukton ni Jesus. Bisan unsa pay mahitabo kanila, sila makasalig nga bisan ang pag-antos maoy alang sa ilang kaayohan (Roma 8:28).
Nangandoy ka ba ug kasegurohan? Aduna ka bay lalom nga mga tinguha sa sulod nga dili nimo matagbaw? Bisan tuod ang kalag nagtinguha sa Diyos, ang makasasalang kinaiya sa tawo nagtinguha sa unodnong mga tinguha. Kon wala ang kalinaw sa Dios, ang makasasala “sama sa nagubot nga dagat, sa dihang kini dili makapahulay, kansang mga tubig nagatubog sa lapok ug hugaw” (Isaias 57:20). Niining maong panagbangi, daghan kaayong tawo ang mosunod sa dalan sa labing gamayng pagsukol ug mohimo ug desisyon tungod sa pagkadili-madeterminado. Sa kataposan, sila mahulog gikan sa kinabuhi ngadto sa kamatayon ug mag-atubang ug taas nga kahangturan.
Ang tinuod ug malungtarong kalinaw makaplagan lamang kon atong itugyan ang hunahuna, lawas, ug espiritu ngadto sa Usa nga nagbuhat kanato ug nahigugma kanato. Siya dili lamang ang Agalon sa kalibotan, kondili Siya nahibalo sa atong mga kinabuhi gikan sa sinugdanan ngadto sa kataposan. Siya mianhi niining kalibutana “aron sa paghatag ug kahayag kanila nga nanaglingkod sa kangitngit ug sa landong sa kamatayon, aron sa paggiya sa atong mga tiil ngadto sa dalan sa pakigdait” (Lucas 1:79). Siya nag-antos ug nag-ula sa iyang bililhong dugo aron kita makabaton ug kalinaw ug kasegurohan.
Gibati ba nimo ang gibug-aton sa sala diha sa imong kasingkasing? Nabalaka ka ba bahin sa umaabot, o gisulayan mo ba nga dili na kini mahunahuna? Gibug-antan ka ba ug labaw pa kay sa imong makaya? Nagtinguha ka ba nga mahimong luwas ug may kasegurohan? Si Jesus miingon, "Pangayo, ug kini igahatag kaninyo; pangita, ug kamo makakaplag; tuktok, ug kini pagaabrihan kaninyo" (Mateo 7:7). Ang Ginoo adunay tambal alang sa imong mga sala. Siya mao ang labing maayo nga nagdala sa kabug-at, ug walay butang nga lisod alang Kaniya. Ang Buhat 3:19 nag-awhag “Busa maghinulsol kamo, ug magbalik sa inyong kinabuhi, aron mapapas ang inyong mga sala, sa dihang ang mga panahon sa kahupayan moabot gikan sa presensiya sa Ginoo.” Ang Dios, nga nagsulti pinaagi sa propeta nga si Jeremias, misaad, "Kay ako nasayud sa mga hunahuna nga akong gihunahuna mahitungod kaninyo, nagaingon ang Ginoo, mga hunahuna sa pakigdait, ug dili sa kadautan, aron sa paghatag kaninyo sa usa ka gilauman nga katapusan... Ug kamo mangita kanako, ug makakaplag kanako, sa diha nga kamo mangita kanako sa bug-os ninyong kasingkasing" (Jeremias 29:11, 13).