Malipayon ka ba? Ang kahadlok nga imong gibati tungod sa sala makakuha sa kalipay. Basin nakahunahuna ka, “Sa unsang paagi ako magmalipayon?”
Aduna koy maayong balita para kanimo! Adunay usa ka tawo nga makatabang kanimo. Siya makapasaylo sa imong mga sala ug maghatag kanimo og walay katapusang kalipay. Jesus ang Iyang ngalan. Tugoti ako sa pagsaysay mahitungod Kaniya.
Ang Iyang Amahan, ang Dios, Siya ang nagbuhat sa kalibutan. Gihimo Niya ang tanan nga ania sa kalibutan. Siya ang nagbuhat kanimo ug kanako.
Ang Dios nahigugma kanato. Gihigugma Niya ang tanan nga ania sa kalibutan. Grabe kadako ang gugma sa Dios kanato nga Iyang gipadala si Jesus, Iyang bugtong nga anak, dinhi sa kalibutan. Sa panahon nga si Jesus dinhi pa sa yuta, Gipang-ayo Niya ang masakiton ug gilipay ang masulob-on. Giabrihan Niya ang mga mata nga gibutaan. Iyang gitudloan ang mga tawo sa daghang mga butang.
Gusto ni Jesus nga masabtan nato ang dako nga gugma nga gihatag sa Iyang Amahan alang kanimo ug kanako. Gisulti Niya kini nga estorya aron sa pag explekar sa gugma sa Iyang amahan. Mabasa mo kini sa Biblia diha sa Lukas 15:11-24.
Dihay usa ka tawo nga adunay duha ka mga anak. Naghunahuna siya nga maayo ang tanan. Usa ka adlaw usa sa iyang mga anak nagrebelde ug miduol ug miingon kaniya, “Dili ko na gusto dinhi, gusto kong buhaton ang akong mga pamaagi, ug ako mobiya. Ihatag kanako ang akong bahin”. Masulob-on kaayo ang amahan, ug gihatag niya ang iyang bahin ug gitugotan niya kini sa pagbiya. Naghunahuna siya kung makita pa ba niya utro ang iyang anak.
Nilakaw sa halayong dapit ang anak ug pinaagi sa kwarta iyang gilipay ang iyang kaugalingon uban sa iyang mga higala. Iyang giusik-usikan ang iyang kwarta sa hinakog nga paagi. Naghunahuna siya nga okey lang ang tanan kutob nga nahurot na ang iyang kwarta ug ang iyang mga giilang higala mibiya usab kaniya. Nag-inusara na lamang siya ug wala nagayud siya’y bisan unsa. Karon unsa may angayan niyang buhaton?
Miduol siya sa usa ka mag-uuma ug siya gipaadto sa baboyan aron sa pagpakaon. Wala siya hatagi og igo para siya makakaon. Gigutom na kaayo siya ug mokaon na lang unta sa pagkaon sa baboy. Nagsugod na siya sa paghunahuna sa tanang dili maayong butang nga iyang nabuhat ug kung giunsa usab niya pag-abuso ang iyang amahan. Nahimo siya nga labi ka makalolooy.
Usa ka adlaw niana nahinomdom siya kung unsa ka mahigugmaon ang iyang amahan ug kung unsa ka maayo ang iyang gihatag sa diha pa siya sa balay. Bisan ang mga sulugoon sa iyang amahan adunay daghang pagkaon.
Naghunahuna siya, “Dawaton pa ba kaha ko sa akong amahan bisan sa mga nabuhat ko kaniya? Gihigugma paba kaha ko niya? Dili na ako takus nga pagatawgon nga iyang anak. Andam kong mahimong iyang sulugoon kung dawaton lang ko niya”
Diha dayun siya mibarog ug nagsugod sa paglakaw pa-uli paingon sa balay sa iyang amahan. Gusto niyang mahibaloan kung pasayloon pa ba siya sa iyang amahan.
Gibati og kamingaw ang Amahan sa iyang anak sukad sa iyang pagbiya. Sa kanunay siya gahandom, “Mubalik pa ba siya?” Usa ka adlaw aduna siyay nakita nga tawo sa halayo. Ang iyang anak naba kini? Sa dihang nakita niya nga kini iyang anak, siya midagan ngadto sa iyang anak uban ang kagaksonon nga mga bukton.
“Amahan ko” ang anak miingon, “Ako nakasala batok kanimo. Dili na ako angayan nga angkonon nga imong anak.”
Apan ang iyang Amahan miingon, “Dalha ang pinakanindot nga bisti para kaniya ug maghimo kamo og dakong selebrasyon . Ang akong anak nga nawala, karon nakit-an na.
Kitang tanan sama niini nga anak; nahibulag kita gikan sa Dios, ang atong Amahan. Gisayangan lang nato ang mga opurtunidad ug ang mga daghang maayong butang nga gihatag niya kanato. Nagpuyo kita sa pagkahakog ug nagrebelde batok Kaniya. Karon ang atong langitnong Amahan nag-imbitar kanato sa pagduol kang Jesus. Siya naghulat kanato uban sa mahigugmaong mga bukton.
Gipakita ni Jesus kanato ang iyang Gugma pinaagi sa paghatag Niya sa Iyang kinabuhi alang sa atong mga sala ug ang sala sa tibook kalibutan. Nag-antos Siya sa kasakit, sa mga pagsalikway ug gitugotan Niya ang mga dautang tawo nga ilansang Siya sa krus. Pinaagi sa gahum sa Dios Siya nabanhaw gikan sa mga minatay ug nabuhi sa walay katapusan.
Duol ikaw kang Jesus ug pangayo ikaw Kaniya og kapasayloan sa imung mga sala. Kung makita niya ang imung tinud-anay nga pagbasol sa mga sayup mong binuhatan, siya mopasaylo kanimo ug magahugas sa imung mga sala pinaagi sa Iyang dugo nga iyang gipaagas. Pagkamaanindot gayud!! Mamahimu kang bag-ong tawo . Ang kinabuhi magadala og bag-ong kahulogan. Pulihan ni Jesus ang imung kahadlok ug kalipay. Siya mahimung imong Manluluwas.