Sa sinugdan gibuhat sa Dios ang kalibutan. Gibuhat Niya ang adlaw, bulan, ug mga bituon, mga hayop ug mga tanum. Sa ikaunom ka adlaw gibuhat Niya ang tawo sa Iyang kaugalingon nga dagway ug gihuypan Niya og gininhawa sa kinabuhi.
Ang kinaunhan nga lalaki mao ni Adan ug ang iyang asawa si Eva. Ang Dios naghatag og usa ka panimalay alang kanila sa usa ka matahum nga tanaman.
Gihigugma sa Dios si Adan ug Eva ug gihigugma usab nila ang Dios. Gisugo sa Dios si Adan nga atimanon ang tanaman. Gisultihan sila sa Dios nga sila makakaon sa bisan unsa nga ilang gusto, gawas sa kahoy sa kahibalo sa maayo ug daotan, ug nga sila mamatay kung mahasupak sila niini.
Usa ka adlaw, usa ka makalilisang nga butang ang nahitabo! Si Adan ug Eva nakasala sa dihang sila misupak sa Dios ug nangaon sa bunga gikan sa ginadili nga kahoy. Nahadlok sila sa Dios ug nagtago sila gikan Kaniya. Nahibal-an sa Dios kung diin sila nagtago. Siya miadto ug mitawag kang Adan. Giingnan siya sa Dios tungod kay sila misupak ug nakasala kinahanglan nila nga biyaan ang ilang matahum nga puloy-anan.
Wala gikalimtan sa Dios Sila Adan ug Eva. Gihigugma gihapon Niya sila. Siya nagsaad nga ipadala Niya Ang Iyang bugtong anak nga si Jesus. Si Jesus mamatay tungod sa ilang kasal-anan aron sila mabuhi! "Kay gihigugma sa Dios ang kalibutan, nga gihatag Niya ang Iyang bugtong Anak, nga si bisan kinsa ang motuo Kaniya dili mawala, kondili maka baton ug kinabuhi nga walay katapusan" (Juan 3:16).
Ug miabut gyud si Jesus! Nagtudlo Siya nga ang tanan nga mga tawo nakasala. Ang mga makasasala kinahanglan mamatay. Gihigugma kita pag-ayo ni Jesus nga Iyang giingnan ang Diyos nga mamatay Siya tungod sa mga sala sa tanan nga mga tawo. Namatay Siya alang sa matag-tawo nga nakabuhat og daotan.
Adunay usa ka maayong balita - Buhi si Jesus! Nabanhaw Siya! Siya nag-ingon. "Ako mao Ang dalan, and kamatuoran, ug Ang kinabuhi" (Juan 14:6). Gusto ni Jesus nga dad-on kita Niya sa Iyang langitnong Amahan.
Usahay dili nato mabati nga kita gihigugma. Ang mga tawo sa atong palibut nasubo, nasakitan o nasuko. Tingali nahadlok kita o aduna kitay kamingaw sa sulod nga dili gyud mawala. Naghunahuna kita kung kinsa ang makatabang kanato, ug ngano nga kita mibati og kamingaw. Gibutang sa Dios kana nga tinguha sa sulod sa imong kasingkasing tungod kay gihigugma ka Niya. Kini usa ka espesyal nga butang nga nagdani kanimo ngadto sa imong langitnong Amahan. Gusto sa Diyos nga pulihan ang tinguha sa imong kasingkasing sa Iyang gugma.
Gusto Niya nga mag-ampo ka gikan sa imong kasing-kasing ug moingon, "Jesus, gikinahanglan ko Ikaw. Gibug-atan ako sa akong mga sala. Palihog, Jesus, hugasi ako ug motalikod ako gikan niining tanang mangil-ad nga mga butang". Nadungog ni Jesus ang imong sinsero nga pangamuyo. Gihugasan ka Niya aron malimpyo ug ma-andam ka para sa puloy-anan nga Iyang giandam.
Sa wala pa mibiya si Jesus niining kalibutana, Siya miingon, "Kinahanglang dili magkaguol ang inyong kasingkasing. Sumalig kamo sa Dios, ug sumalig usab kamo Kanako. Sa balay sa akong Amahan anaay daghang puy-anan, moadto Ako aron sa pag-andam og luna alang kaninyo". (Juan 14:1-2). Kini nga langitnong puy-anan usa ka mamingaw nga dapit diin adunay walay katapusan nga kalipay ug gugma.
Gibuhat ni Jesus nga matahum kana nga puy-anan aron dili gyud Niya tugutan ang bisan unsa nga dili maayo o mga sala nga makasulod niini. Kung ang atong kasingkasing namantsahan o nahugawan sa sala ug mamatay kita, dili gyud kita tugutan ni Jesus nga makasulod.
Unsa kaha ang kinabuhi kung magpuyo uban kang Jesus? Wala nay kasakit, kahadlok o kagutom. Wala nay mga sakit, kamatayon, o masulob-on nga panagbulag. Didto manganta kita ug magbayaw sa Dios uban ang mga linuwas sa tibook kalibutan.
Ug sa katapusan maka-uli na! Sa puloy-anan uban ni Jesus nga atong Manluluwas!