Chè zanmi kap li a:
Dépi mouin pa jouinn okasion pou palé ak ou dirèkman osujé dé nanm ou, ki pa pou janm mouri, mouin voyé gnoun mésaj sou papié sa ki gin anpil késion.
Eské ou kapab di ou sé gnoun pitit Bon Dieu? Si oui, sou ki sa ou mété éspoua ou yo? Eské ou gin tan prié, é li la Bib ou? Eské ou santi vréman ké Kris gin tan ba-ou lumiè pa-l, pou instoui ou? (Efézyin 5:14). Eské ou gin tan il pasaj koté Jézu té di, “Moun ki réjété mouin, é ki pa résévoua parol mouin, gin gnoun ki jujé li; Paròl mouin té palé a, sé li minm ki va jujé li nan dènié jou a.” Jan 12:48. Dapré vèsé sa a, paròl Jézu va jujé nou nan dènié jou a. Donk an nou pansé biin sou paròl Jézu. An nou kouté sa Jézu té di Nikodèm, “An vérité, an vérité mouin di ou, si gnoun nonm pa né dé nouvo li pa kapab ouè rouayom Bon Dieu.” Jan 3:3. “Pa sézi si mouin di ou: Fòk ou né dé nouvo. Van souflé koté li vlé, é ou tandé bri li; min ou pa konnin koté li sòti ni koté li pralé. Se konsa pou tout moun ki né dé Léspri. Nikodém di li: Ki jan bagay sa yo kapab fèt? Jan 3:7-9.
Chè zanmi, ki sa ou gin pou di osujé dé nésans éspirituèl sa a? Eské ou ap di ak Nikodèm, “Ki jan bagay sa yo kapab fèt?” Ou biin avèk Jézu ou kapab di, “An vérité an vérité, mouin di ou, nou palé sa nou konnin é nou bay témouagnaj sou sa nou oué” Jan 3:11. Sonjé biin ké sé pa paròl Jézu ké nou va jujé dènié jou.
Chè zanmi, sa pa doué fè ou douté si ou sé pitit Bon Dieu ou biin si ou pa pitit li; An nou gadé paròl Bon Dieu ki gnou gid pou nou, ki kab fè nou konnin nan ki kondision nou yé. Jézu di: “Vi-n jouinn mouin, nou tout ki fatigé é ki chajé, é ma bay ou répo.” Matié 11:28. Eské ou sonjé gnou lè ké ou tap pèzé anba gnou chay ki biin lou. Sa vlé di ké ou té santi ou pèdi é tou fèb é ké fado pèché té pèzé ou si tèlman ké ou pat kapab jouinn répo pou nanm ou. Alò eské ou té komansé prié Bon Dieu pou délivrance? Donk Eské ou sonjé lè chay sa té roulé alé é lé Ségnè té bay ou la pè nan plas chay la; é apré sa ké ou té kab réjoui dèské li té aksèpté ou kom pitit li? Nan Jan 5:25 nou li; “An vérité, an vérité, mouin di nou: Lè a ap vini, é li vini déja, lè mo yo va tandé voua lé Fis Bon Dieu, é sila ki tandé a va viv.” Koman paròl sa yo aji sou ou? Eské ou té réalizé ké ou té mouri nan péché é ou té tandé voua Pitit Bon Dieu é paské ou té kouté-l ou té résévoua la vi ak la pè dé Dieu ki dépasé tout konnésans é koun yé a eské ou kab dakò pou suiv Kris nan tout anségnman li yo?
Si ou dakò ak mouin é ou sé gnoun pitit Bon Dieu an nou chaché pi louin nan paròl Bon Dieu Prémièman, eské ou konn asisté gnoun réunion ki bay enségnman sou tout komandman yo? Jan 15:10. Jézu té bay disip li yo gran komision sa a; “Alé fè disip nan tout nasion yo, batizé yo o non du Pè, é du Fis, é du Sint Espri, épi aprann yo obsèvé tou sa mouin komandé nou. E mi-ni mouin avèk ou tou lè jou, jouk la fin lé monn.” Matié 28:18-20. Eské ou gin asurans ké koté ou konn asisté pou adoré Bon Dieu ké yap anségnè ou pou obsèvé tou sa lé Ségnè ap komandé nou? An nou jouinn anségman Jézu té bay sou mon nan Matié 5-6-7. M-pap sité yo koun ye a, min égzaminé yo ak souin pou sondé anségnman pastè é légliz ou a si yo bay tout anségnman nan chapit sa yo. Apré an nou jouinn Jan chapit 13 koté ou li Jézu té lavé pié disip li yo é li bay nou lòd pou lavé pié gnoun é lòt. Alò li té di m-té bay ou gnoun égzamp é sé pou ou fè minm jan. Pi louin nan lod li nou jouinn sé sou pin é sou divin ké apòt Pol rakonté nou, li té résévoua nan min lé Ségnè (1 Korintyin 11:23-29).
An nou Ii Matié 18:15-18 koté Jézu palé nou sou manm ki pa fidèl. Nou jouinn sou voual pou sè yo. Apòt Pòl di sa nan 1 Korintyin 11:1-16. Gnoun lòt kòmandman ankò nan Romin 16:16 é nan 1 Korintyin 16:20 sé ké pitit Bon Dieu salu gnoun é 1òt ak gnoun bo ki sin. Pi louin, ki instruksion ou konn tandé sou unité dé pèp Bon Dieu? Eské ou gin tan li ki sa Jézu té prié avan li antré nan jadin dé Jétsémané pou uni pitit li yo? Nou jouinn sa nan Jan 17:21. Pou biin konprann ou va li tout chapit la. Eské ou pansé ké gnoun fanm gin pèmision pou préché? Ou kab li 1 Korintyin 14:34-35, 1 Timoté 2:9-15. Eské ou sètin ké pastè ki ap préché ou la sé Bon Dieu ki voyé-l, ê li di ou tout bagay ki gingnin nan kòmandman Bon Dieu a?