“Lapè, ki kote lapè ye—pou nasyon nou, fwaye nou, e sitou pou kè nou ak lespri nou?” Kri ijan sa a te la nan tout syèk yo. Èske ou gen kri sa nan kè ou tou? Lemonn chaje ak pwoblèm e enkyetid. San dout, nou bezwen direksyon ak konsèy, sekirite ak konfyans. Nou bezwen e nou dezire yon lespri anpè. Lespri anpè—ala yon trezò! Èske nou ka jwenn trezò sa nan yon monn ki plen konfli, dezespwa, boulvès ak twoub?

“Ki nonm pami nou, si li gen san mouton, e si li pèdi youn ladan yo, p ap kite katrevendiznèf lòt yo nan dezè a pou ale dèyè sa ki pèdi a jouk tan li jwenn li? Lè l jwenn li, li mete l ak kontantman sou zepòl li, e lè l tounen lakay li, li rele zanmi li ak vwazen li yo, e li di: Fete ak mwen, paske mwen jwenn mouton m ki te pèdi a” (Lik 15:4-6).

Eske se legliz ki pi pre mwen pou’m antre? Eske se legliz ki genyen plis manm pou’m antre? Eske se legliz ki bay plis benefis ke mwen dwe swiv?

Jèzu di nou kè pòt sièl la va fèmin pou nou, si nou pa fèt gnoun dèzièm foua. Sè pou tèt sa nou ap mandè; Zanmi mouin, èskè ou fèt gnoun dèzièm foua dèja ; Manm lègliz, èskou fèt gnoun dèzièm foua ? Si ou di non, è biin ou pèdi. Paskè Jèzu di; “Si gnou nonm pa nè dè nouvo li pa kapab ouè rouayom Bon Dieu.” Jan 3:3. Asurèman, mouin konnin okinn moun pa ta vlè mouri è pèdu kòm gnoun pèchè. Sè pou tèt sa ou douè fèt gnoun dèzièm foua.

Èske ou jwenn padon? Avni etènèl ou depann sou repons kesyon serye sa. Labib anseye nou ke “pa genyen moun ki jis, pa menm yon sèl” (Women 3:10). Vèsè 23 nan menm chapit la di nou: "paske tout moun fè peche, e yo tout manke glwa Bondye." Nou bezwen jwenn padon Bondye si nou vle sove anba konsekans peche yo. Yon jou nou pral rankontre Senyè a nan jijman. "Paske fòk nou tout konparèt devan tribinal Kris, pou chak moun resevwa daprè byen oubyen daprè mal li te fè, lè li te nan kò li" (2 Korentyen 5:10). Nou va fè fas ak letènite, e sa trè enpòtan pou nou konnen ke nou jwenn padon. Si nou jwenn padon, n ap kapab antre nan syèl. Si nou pa jwenn padon, nou pral kondane nan lanfè etènèl ansanm ak dyab la e zanj li yo (Matye 25:31-34, 41).

Yon jou, pa t gen anyen sou latè. Pa t gen pwason. Pa t gen zetwal nan syèl la. Pa t gen lanmè, e pa t gen bèl flè. Tout espas la te vid e fènwa. Men Bondye te la. Bondye te gen yon plan mèveye. Li te panse sou yon bèl lemonn, e pandan li t ap panse, li te fè l. Li te fè l san anyen. Lè Bondye te kreye yon bagay, Li te di, “Se pou li fèt,” e li te fèt!

Labib se pawòl Bondye, laverite etènèl la. Li genyen istwa kreyasyon an, dezobeyisans lezòm anvè Bondye, ak malè ki te rive lezòm akòz peche. Li pale nou tou sou lamou Bondye genyen pou lezòm lè li fè yon plan pou rachte l. Li pale de yon Sovè ki te fèt, ki te mouri pou peche lezòm, e ki te leve sòti vivan nan lanmò pou delivrans lezòm. Nenpòt moun ki kwè mesaj li a va jwi eksperyans padon peche yo, lapè nan lespri, lamou pou tout moun, pouvwa sou peche, ak yon esperans vivan lavi etènèl la.

Se pa entansyon Labib pou konsantre sou Satan ak travay li yo. Malgre sa, nou jwenn anpil enfòmasyon nan Labib ki ekspoze karaktè ak travay li. Yon fwa Satan te yon zanj, men li te fè rebèl kont Bondye, kreyatè li, e li te vle vin tankou Bondye. Pratik wayòm tenèb la pa nouvo. Se toujou menm efò yo li fè pandan tout syèk yo pou rivalize kont wayòm Bondye a. Satan ap eseye ofri nou yon lòt mwayen pase sa Bondye ap akonpli pa mwayen Sentespri a.

Tout moun fè adorasyon. Gen moun ki adore yon bagay, gen moun ki adore yon lòt moun, gen moun ki adore yon imaj, e gen lòt moun ki adore tèt yo. Yo demontre devosyon yo pou dye yo nan plizyè fason. Pandan tout moun sa yo bay devosyon yo devan dye sa yo, yo toujou gen yon dezi ak yon anvi nan kè yo. Moun sa yo ka sèlman jwenn yon soulajman tanporè pou kri nanm yo ak yon ti ti kouraj pou fè fas ak demen. Sa fè yo tris lè yo wè fiti yo sanble menm jan ak jou pase yo. Dye y ap sèvi a pa kapab ranpli espas vid sa nan lavi yo.

Traka ak pwoblèm yo tout kote. Maladi, tristès, ak anpil lòt bagay mal fè pati lavi a. Ki kote tout bagay sa te kòmanse? Eske li te konsa depi lontan? Labib, pawòl Bondye a, gen tout repons pou kesyon sa yo. Premye de chapit nan Labib la pale nou de yon bèl jaden ki rele Edenn. Bondye te kreye jaden sa pou Adan e Èv. Li te fè l pou abitasyon yo. Bondye te fè Adan e Èv pafèt e san peche