John abirta keme alo 10:1-18
Nangli arju Longma komatne nangli men nang ke hang lapen nangli chinine labangso ase konat pensi kevang? Kalite nangli arju long pameme nangli dung kahori sai pen apot.
Arju tha, ase pen nangli phan nang hang lo. Nangli komatlo? Nangli men kopilo? Nangli konat pensi kevang? Nangli konat si kedo? Nangli konat lo kedam ji?
Nangli chini nangli rong amen. Kalite nangli daike ta nahok penta kaldet abang ta hai. Bonta nangli chechini nangli rong lake isi kethe pik adet angbong sido lapen labangso adet lake labangso kethepik apirthe arlo sido.
Baible
Lake ningkan 6000 aprang pirthe ke thip ahut. Pirthe lake arnam si pinching lo. Arnam along isi akitap do lake baible pusi ir lo. Ladak pen elitum aphan ekethan lade alangli kosonsi pirthekapinchong lapen kosonsi alangli kechengsi penso lapen arloso pinching lo ma. Arnam alangli methang arje pensi monit pinchonglo.
Kaiketa theklong o-somar pirthe kahache. Kai keta therlong monit atum kethi. Suri suri atum pirthe hachelo lapen thilo.
Nangli jokta nangli pi nanglli po pen si pirthe hachelo. Bonta ahokpet lake arnam si nangli phan pinchonglo. Alangli kado kave asonta pinchonglo. Nangli matha ma koan manghumeme arnam la kado dave ason kapinchonglo ma?
Nangli men lake nangli pi nangoi po atumsi nang irlo. Arnam nangli man chini ajat alam pen pusitame alangli kado dave amen ta chini pet. Alangli kado kave ta chini pet.
Athema arnam si elitum aphan pinchonglo. Alangli chinghon athema elitum alangli long pensi planglo. Alangli ke sining angsong kedo elitum apolo. Elitum methang api apo akanghon anparta alalgli elitum aphan e-inghon lo.
Arnam
Arnam ke kaike tad over. Alangli ke kaideta renget. La apot si alangli elitum aphan chethe epilo. Lapen ajok eli renget verlo. Elitum abang arpum aphanle alangli thilo lapu kali bonta elitum abang arlo kedo akarjong kereng verji aphan.
Nangli arnam aphan chinima? Nangli arju tahai, “arnam komat lo? Konat si kedo?
Nangli ahokpet pen chini ingtungma? Kalang, nangli ninghang nangli ninl aklong pen chini ji aphan.
Nangli arnam aphan theklongle lang. bonta labang so pen ajok le alangli ave lapu kali. Ma therk long lo? Thek long le lang. bonta labang so pen ajok le alangli ave lapu kali.
Arnam ke enut nat. lapen akaprek k eave lo. Athema alangli enut petsi sining lapen pirthe pinchonglo alangli ke kai apor ahut tad over.
Arnam ahem lake sining angsong, hadak angsong lake langmepik adim. Bonta alangli ke monit aning arlo jokta do alangli se kekroi atum an along.
Koson kacharli pensi ne arnam aphan chini po? Lahelo ma nangli karju alam the? Arnam ke manghumeme pen elitum aphan ekepaklangji akam thik tanglo.
Arnam asopo jisu. Inutpet ta sining pen pirthe nang toi lo. Monit atum alangli komatma lapen alangli ning kehang kopima pu kapek;angjji aphan arnam lapen jisu ke isinat.
Manghu meme pen. Arnam asopo oso ason che plang si amahang theklo lapen monit asonthot si the – dinglo. Lapen ningkan kethom , jisu monit atum aphan than lo alangli po arnam adanghong alam. Alangli thanlo arnam ke ingthir et lapen pap aphan lang un-e.
Lasi arnam tover eselam pilo elitum emethang apap pen kejok ji aphan. Alangli sospo jisu aphan thangparpan athak gojal saklo kahingno amonit atum pen. Alangli chethe chepi detlo. Alangli koan akanghon kethe.
Alangli pirthe apap pen apostsi alangli methang apran chepi detlo. Nangli keklem kado kave apap apot. Abang phutin keklem apap pen apot.
Tangte jisu thangparpan athak si doma? Mate jisu thiri arlo si do? Kali, nithom aphi alangli kethi aphan haisi thur thu lo. Lapen aphi alangli sining dam thu lo lapen alangli arnam kepu ateng pirthe kejut an aphan si inghonglo anke alangli pensi monit an aphan ahok akangsai plangpo.
John abirta keme alo nangli long doma? Angdengpi kep along charli dam tha. Jisu dopi alam si monit aphan than lo ma john toktanglo. Alangli kopisi kepuma lake pini elitum aphan. Jisu pulo, alangli helo biresak kevi abang akeme lapen alangli chethe biresak aphan pidetlo. Elitum helo biresak. Komatsi alangli se karju ma la abangsi alangli biresak lo. Alangli halatum aphan amen hang. Kekroikre atum alangli phi phi dun de.
Keroi Dre Atum Akaprek Ase
Kekroikre atum ke komatlo?lake elitum along pen kekat abang ma?oh. Alangli ke kangho abang, alangli ke biresak aphan mathathe alangli ke chobai abang. Alang long ke keme ave. alanglli ke hi –I,alangli ke elium ahotur,soitan.
Bonta aprangsi ke alangli ke arnam ahoturlo. Alangli aprang ke sining arnam along inut atekala. Bonta amethang kacheparo ka dokok pen apot arnam pen akangtui kedoji aphan arnam pen che dan lo. Alangli arnam pen chedan lo lapen akeongpi atekala atum alang long cherap dunlo. Arnam hai det lo. Athema alangli long kadokave ajakong ta do pet. Lasi alangli soitan lapen alang ri sangho atum aphan sining pen plunglo. Lasi soitan labangso pen apot arnam aphan lang selet lo.
Athema alang arnam adung patebok thu un-e-lo. Lasi alang arnnam kapinchong ason an lapen pirthe amonit atum along alang aningkethi peklo lo. Athema alangke pap ke klem tang abanglo. Lasi alang ke kado kave aphanta pap ekepaklem ji aphan si ajat ason penta bidi rilo. Pap ke sining lui dun thu long lelo.
Elong adim do, arnam hi-e lapen alang ri sangho atum aphan kethikpi lake herang. Herang lake kesung nai adim. Hadak lake me kecho akesung lapen chepajok un-e . lapen ari sangho atum aphan akai apar akai anta hasti kepi adim. La helo keheno nai adim. Elitum jongsi soitan ase karjuji aphan chongvai rong lote arnam elitum aphanta eke toi ji adim.
Soitan ke elitum aphan he rang alam pamatha ji aphan aning hang he. Alang ke elitum adhan arnam aphan kapamathaji aning hang he. La apot si alang ke kaiketa elitum aphan arnam pen kache lang kapavedeiji aphan si matha verlo. Soitan ke elitum aphan alang se keparju ji aphan si matha-e lo.
Non nangli arlo pen. Akaprek ase arju long ma? Kekroikre atum ase?
Elitum aphan ahut pen alang phan kekroi. Ji aphan alang akeme ason si epilo. Ahut pen elitum aphan epamatha. Ne pen akeme majok ta avelo. Ne helo. Nesi aprang, ne ajat ta long. Ne jakong do ne methang apharman kachedanji aphan. Ne hanghe pin penia ajan ason ta endet long.bonta nephan ne nep ;ong le. Kado dave amonit ta pachobai. Lasi neta pachobai long. Aketer akamatha ke kaheno-o kali majok ta chini ne, ne kamatha ke kahing no alam- alanglitum mesen pusi ingnek pik po.
Lapen akaprek apor, nangli methang chemathaji, neli thangta kechok ave nephan pisi pereng bom lang ma?
La kado kave as eke hi-I aselo. Alang ke chobai pik. La apostsi elitum aphan jokia kepa chobai amonit ekepaplangji aphan bor-i-lo. Alang ke kanghu abang. Lasi elitum aphan jokta bang amaar kepang hu ji aphan bor-I lo. Alang ke monit apran ke-en abang la apotsi elitum aphan jokta e che pa lang selet seroi lo.
Nangli jongsi hala bangso ase arju lote, ko sonsi nangli chematha po? Nangli mesen chethek longji ma nang arlo pen? Oh, kali lake nangli phan ning pe oi po. La nangli phan ka chepatu ji aphan bor-e po. Lake soitan asonthot lo. Alang ke akangting along kam keklem jisi aning hang.
Jisu Biresk Kevi Abang Ase
Nangli chininma, jisu. Baresak kevi abang akeme? Nangli ning hang ma alangli biresak kacheplang ji? Nangli chiniji ninghang ma alangli se?
Nangli chini un, sitame aprangsi ke nangli alangli se pen apar akaprek ase arju longle det do.
Non nangli kedojoi ahut, nangli arju longji ase kelang-e pen jisu nangli kehang nangli kai alangli phan kachepi ji aphan. Nangli arju longji nangli phan nangkethan kado dave kechokche an diya kehangji aphan lapen neli chokche det lo pu kache kobirji aphan.
Kalite ahot pen nangli kedothing ahut nangli matha jim kopilo ne keklem po la kadokave ne a kesung lapen ne anghor? Neli ning hang kemesenji aphan. Neli ninghang hala keso lapen kangchir kave pin adim kedo ji aphan. Kopi lo keplang po neli thidet aphi?
Lapen aparta nangli ason ason alam mathaji. Lahelo jisu ase nangli phan nangke hang. Ahut pen nangli ningdukpikji lapen nangli chechini ne je pi apot si nangli ning keduk ma? Lapen nangli armu kedo-o ahut sitame nangli enut pet ason chethek longji. Lake athema nangli arnam aphan si enut petlo. Lake nangli phan nang kapin chong abang aphan lapen nangli phan nang kanghon abang aphan, alangli lake biresak devi abang kangbodet abiresak aphan si hang lo. Alangli nangli phang nanghang bomlo. Lapen nang ri bomlo.
Nangli jongsi biresak devi abang ase arju longlo te nangli thak dun non. Than non nangli pap aphanrman diya chohanglo pura. Than non nangli non koson si kache matha ma, lapen kejok kelongji aphan than non. Lahelo arnam kardom.
Nangli ardom loma sining athak kedo a arnam aphan? Non klem non. Alangli nangli phan arjuji lapen nang chiniji. Alangli nangli phan kaike akar-I aning kangsam nangpiji.
Nangli ning hanghe ma alangli biresak lapen alangli se karju ji aphan? Alangli nangli pen jirpo chebiji ning hang. Alangli nangli pap anghor an pon etjil. Nangli ning arlo ning arong ji. Nangli jokta alangli son kanghon ther abang lapen kangjinso ther abang plangji. Alangli nangli long kevang akaphere meme ason an pen nang rapji.
La aparta akaprek atum jongsi Christian keplangji aphan nang peklang tangte, nangli chini non jisu nangli phan nang langji. Lapen aparta kekroi kre atum nang kham khe lo tang te, nangli kroi thip non jisu aphan lapen alangli nang rapji.
Nangli jongsi biresak kevi abang avengkong arum kanghon pen do long lo pulote nangli hhini non mo akejut ahut ahut nangli phan alangli kamang hu meme ning karong ahem arnampen ke do rap pet verji aphan nangli phan nang ponji.