Pananglit usa ha iyo may usa ka gatos nga karnero, ngan mawara in usa ha ira—ano man an iya bubuhaton? Binabayaan niya an nobentay nuybe didto han panibsiban, ngan nalakat hiya hin pamiling han nawara, tubtob nga iya ini hiagian. Kon hiagian na ini niya, malipayon na hiya, ngan papas-anon ini niya, ngan dadad-on hin pag-oli ngadto ha ira. Niyan, iya dadapiton an iya kasangkayan ngan mga kahigrani, ngan sisidngon niya, ‘Pagsaurog kita! Malipayon ako hin duro nga hinagian ko an akon nawara nga karnero! [Lucas 15:4-6].
Hi Jesus an Tinuod nga Paraatiman
An masunod nga sumat nagpapakita han gugma ngan pagtagad ni Jesus ha ngatanan nga tawo. An usa nga paraataman hin karnero may-ada usa ka gatos nga karnero. Hinigugma Niya an Iya mga karnero ngan ginpapanalipdan hira ha makaruruyag nga walog ha kahiladman han kabukiran. An walog usa nga talwas nga lugar, kondi peligroso an kabukiran. "An Ginoo an magmarangno ha akon, dida ha iya waray ko iiliwon. Gindara ako ngadto hin kabanwaan, ngadto hin pahuwayan nga kapatagan. Gindara ako niya ngadto han linaw, tubig nga bulong hin kapaso ug kauhaw." [Mga Salmo 23:1-2].
Usahay gindadara han paraataman an iya mga karnero ngadto ha kabukiran basi makabiling hin panabsaban. Ginbabantayan han paraataman an mga karnero, ginpapanalipdan hira, ngan katapos gindadara hira pagbalik ha talwas nga walog ugsa magsirom. Han inabot hira ha toril, gin-ihap han maaramon nga paraataman an mga karnero samtang nasulod hira ha ganghaan. "Niyan hi Jesus nagsiring... Ako amo an ganghaan han mga karnero... kon an bisan hin-o nga tawo sumulud ha akon, hiya maluluwas"(Juan 10:7, 9).
Usa nga Karnero nga Nawara
Usa ka gab-i, 99 la an karnero nga gin-ihap han paraataman. An usa han mga karnero nakadto pa ha bukid! Tungod kay interesado ha kalibotan nga nakapalibot ha iya, nahibilin an karnero ha urhi. An berde nga mga bukad han banwa nag-aghat ha iya nga bumaya ha dalan. Inundang hiya ha pag-usisa han mga bukad, mga kahoy, ngan mga tanom nga waray pa niya makita. Tungod han iya mga nadiskobrehan, nahingalimot hiya nga sundon an magbarantay ngan nahibilin hiya ha luyo. Han kulop na, hinbaroan niya nga nag-uusahan la hiya ngan hirayo ha iya balay. Nahadlok hiya ngan nagtikang pagdalagan. Tungod han iya pagkawurok, nagsayop hiya. Waray niya hiagii an paraataman, an mga karnero, o an dalan pauli.
Nagkagab-i ngan nagkaada bagyo. An nawara nga karnero sumuksok ha ilarom han usa nga tanom, mahulos ngan masurub-on. "Ngatanan kita sugad hin mga karnero nagkawawara; kita an tagsatagsa sinmimang ha iya kalugaringon nga dalan" (Isaias 53:6). Ha urhi, inundang an dalugdog ngan an uran. An mga aringasa ngan an mga lambong han gab-i nakahadlok han karnero ngan dumalagan na liwat hiya. Natunok hiya ha mga tunok ngan nagtikang pag-awas an dugo. Ha iya luyo, mayda nag-uwang nga mga lobo nga nakaagi han iya agianan ngan naglanat ha iya.
An Nagpipinamiling nga Magbarantay
Han nasantop han paraataman nga nawara an karnero, ginsadhan niya an ganghaan han toril, kinuha an iya tungkod, ngan binmalik ha bukid. An paraataman han karnero inatubang liwat ha bagyo ngan kasisidman. Nagugutom hiya, mahulos, ngan hinahagkot. Agsob hiya humunong ha pagtawag han mga karnero, kondi waray hiya makabati hin baton. Kinakapoy na hiya, kondi padayon nga nagpadayon ha pagbiling. Han hinbatian han paraataman han karnero an pagnguyngoy han mga lobo ha hirayo, maaram hiya nga aada ha daku nga peligro an iya mga karnero. Nagdagmit hiya ngadto hito nga direksyon. Mahimo ba matalwas an mga karnero ugsa ito mahinabo?
An nawawara nga karnero nakabati liwat han mga pag-nguynguy han mga lobo. Nagpadayon hiya pagdalagan tubtob waray na hiya kusog ngan kinakapoy na hiya. Waray niya hibaroi nga an mabangis nga mga lobo nagbibiniling ha iya ngadto ha lit-ag. An kagab-ihon inabot ha makaharadlok nga talan-awon. An karnero nabitay ha mga tunok hirani ha gilid han pangpang. Nagtitinangis hiya, ginkapoy, ngan ginlilibotan hin mga lobo. Nagpakigbisog hiya, pero dire niya kaya iluwas it iya kalugaringon. Baga hin inabot na hiya ha iya kataposan. An iya la mahihimo amo an pagsangpit hin bulig.
Ginluwas an Karnero
An maagbarantay naka bati han karnero ngan dinmaop dayon! Waray kahadlok nga gin-atubang niya an mga lobo ngan gintabog hira. Kinadto hiya ha iya nagtitinangis nga karnero ngan hinay-hinay nga ginkuha ito tikang ha mga tunok ngan ginpahirayo tikang ha ligid han pangpang. Iya ginhugasan an iya mga samad ngan ginpahiran hin tambal. Katapos iya ginkaptan ito ngan mahigugmaon nga gindara ha iya balay. An nawara nga karnero hin-agian na. “Akon bibilngon an akon karnero, ngan luluwason ko hira”(Esekiel 34:12).
Sugad kita ngatanan han nawara nga mga karnero. Hi Jesus, an Maopay nga Paraataman, nahigugma ha aton ngan may-ada Hiya lugar nga talwas para ha aton. May-ada liwat kaaway nga karuyag magbungkag han aton kalag. Ginsusulay kita ni Satanas hin damu nga nakakaaghat nga mga butang, nga nagsasaad hin kasigurohan ngan maopay nga mga panahon. Ha kataposan, an iya mga saad waray pulos ha aton. An kalipay ngan katagbaw nga iginsusulay ni Satanas buwa ngan diri gud makukuha. Nababaraka kita ngan nahahadlok; nasasakitan kita ngan nasasamok. Naglalakat kita nga buta ngan diri nakakalikay.
Maopay na la nga hi Jesus naghatag hin paagi nga makagawas kita. Ginbibiling pa gihapon Niya adton nalimbongan ni Satanas ngan nabitik han Iya mga taktika. "Kay an Anak han Tawo [Jesus] kinanhi ha pagbiling ngan pagluwas han mga nagkawawara" (Lukas 19:10).
Hi Jesus nasiring ha Mateo 11:28, “Kadi kamo ha akon, ngatanan kamo nga ginugul-an hin pagdara han iyo mabug-at nga mga paras-anon, ngan tatagan ta kamo hin pahuway." Kinahanglan mag-ampo kita kan Jesus, karawaton an aton sala ngan mangaro hin pasaylo. Katapos, bug-os nga iginhahatag naton ha Iya an aton kinabuhi, ngan ginbabayaan an aton makasasala nga mga paagi. Namatay hi Jesus para ha aton ngan nagbayad han aton mga sala pinaagi han Iya dugo basi magin limpyo ngan libre kita ha atubangan han Dios. Daku an kalipay ha langit kon an usa nga nawawara nga karnero hiaagian ngan dad-on han Magbarantay ha Iya toril. "Nasiring ako ha iyo, kon hiagian niya ini, labaw kamalipayon hiya tungod hini nga usa nga karnero kay han 99 nga waray mawara." [Mateo 18:13].
