Hi Jesus an Imo Sangkay
May-ada ako sangkay. Hiya an gimaopayi nga sangkay nga akon nakarawat. Maopay gud Hiya ngan tangkod ngan karuyag ko nga makilala mo liwat Hiya. An iya ngaran hi Jesus. An urusahon nga butang amo nga karuyag Niya magin imo sangkay.
Tugoti ako hin pagsumat ha imo mahitungod ha Iya. Nabasa naton ini nga istorya ha Biblia. Tuod an Biblia. Pulong ito han Dios.
An Dios an naglarang han kalibotan ngan han ngatanan nga aada hito. Hiya an Ginoo han langit ngan han tuna. Hiya an naghahatag hin kinabuhi ngan gininhawa ha ngatanan nga butang.
Hi Jesus an Anak han Dios. Ginsugo Hiya han Dios tikang ha langit nganhi hini nga tuna basi magin aton mismo Manluluwas. An Dios naghigugma gud han kalibutan (nga nangangahulogan nga nahigugma Hiya ha imo ngan ha akon) nga Iya ginsugo an Iya bugtong nga Anak, hi Jesus, (pagkamatay para han aton mga sala) basi an ngatanan nga natoo ha Iya diri mawara, kondi ma may kinabuhi nga waray katapusan (Juan 3:16).
Hi Jesus kinanhi ha tuna sugad nga gutiay nga bata. An iya mga kag-anak dinhi ha tuna amo hira Jose ngan Maria. Natawo Hiya ha usa nga asno ngan iginbutang ha pasungan.
Nagtubo hi Jesus kaupod nira Jose ngan Maria ngan ginsugot Niya hira. May-ada Hiya kabugtoan nga kalalakin-an ngan kababayin-an nga Iya puydi makaupod. Binuligan Niya hi Jose ha iya karpenterohan.
Han nagdaku na hi Jesus sugad nga usa nga lalaki nga tawo, gintutdoan niya an mga tawo mahitungod han Iya Amay ha langit. Iginpakita Niya ha ira nga hinigugma hira han Dios. Iya gintambal an mga magsakit ngan ginliaw an mga nag-aantos. Sangkay Hiya han kabataan. Karuyag Niya nga magin duok ha Iya an kabataan. May-ada Hiya panahon para ha ira. Hinigugma han kabataan hi Jesus ngan karuyag nga makaupod hira ha Iya.
An iba nga mga tawo diri nahigugma kan Jesus. Naawa hira ha Iya, ngan nasina pa ngani ha Iya. Napungot gud hira ha Iya ngan karuyag nira patayon Hiya. Usa ka makaharadlok nga adlaw ginpatay nira hi Jesus pinaagi ha pagraysang ha Iya ha krus. Waray sayop nga ginbuhat ni Jesus. Kinahanglan nga mamatay Hiya ha aton lugar tungod kay hi ikaw ngan hi ako nagbuhat hin sayop.
An Istorya mahitungod kan Jesus diri natatapos ha iya kamatayon. Kundi ginbanhaw Hiya han Dyos. Nakita Hiya han iya mga sumurunod. Ngan usa ka adlaw, binalik Hiya ha langit.
Yana nga adlaw nakikita ngan nababatian ka Niya. Maaram Hiya han ngatanan mahitungod ha imo ngan may pagpaid ha imo. Pakadto la ha Iya ha pag-ampo. Isumat ha Iya an ngatanan mahitungod han imo mga problema. Andam Hiya nga buligan ka. Puydi ka dumuko ngan makiistorya ha Iya, ha bisan ano nga panahon, bisan diin.
Maabot an usa ka adlaw nga mabalik Hiya! Kukuhaon Niya an ngatanan nga natoo ha Iya ngadto ha langit.
