An ngatanan nagsisingba hin usa nga butang. An iba nagsisingba ha mga butang nga nakikit-an, an iba ha tawo, an iba ha imahen, ngan an iba ha ira kalugaringon. Iginpapakita nira an ira debosyon ha ira dios ha magkalainlain nga paagi. Samtang an damu nga mga tawo naghahatag han ira debosyon hini nga mga dios, nagpapabilin pa gihapon an hingyap ngan pagtangis ha ira mga kasingkasing. Ini nga mga tawo nakakakarawat la hin temporaryo nga kaliawan para ha ira mga kalag ngan gutiay la an ira kaisog ha pag-atubang ha tiumarabot nga adlaw. Nakakaupay ha ira nga an tidaraon pirme pareho han naglabay. An dios nga ira ginsisingba diri makakahimo pagpuno han kawad-on han ira kinabuhi.
Hin-o an iyo ginsisingba? Diin naukoy an imo dios? Buhi pa ba hiya? Ano an iya ginbuhat para ha imo yana nga adlaw? Nakighimangraw ka ba ha iya yana nga adlaw? Binaton ba niya an pagsangpit han imo kasingkasing? Ano an imo gintotoohan?
Tugoti ako nga ipahibaro ha imo an usa la nga tinuod nga Dios nga nagdaog kan Satanas, nga aton pinakadaku nga kaaway. Hiya an Dios han paglarang, nga nagyayakan basi magkaada an ngatanan nga butang. An Baraan nga Biblia magsusumat ha imo mahitungod hini nga Dios han langit, nga naglarang han tawo tikang ha tapotapo han tuna. Basaha an Genesis kapitulo uno ngan dos.
Hiya an waray kataposan nga Dios. Waray Hiya tinikangan ngan waray kataposan. Hiya amo la gihapon kakulop, yana, ngan ha kadayonan. Hiya an maglalarang, nagmamangno, ngan nagpapadayon han ngatanan nga butang (Mga Buhat 17:22-34).
Ini nga gamhanan nga Dios nga naukoy ha langit interesado liwat ha imo sugad nga indibiduwal. Nakikita ka Niya ha damu nga tawo. Hinigugma ngan ginmamangnoan ka Niya. Karuyag Niya nga maginlabaw pa kaysa nga imo sangkay. Ginsugo Niya an Iya Anak basi magin imo Manluluwas. Karuyag Niya mag-ukoy kaupod mo, ngan labaw pa hito, karuyag Niya mag-ukoy ha imo. Hiya nasiring, "Magpabilin kamo ha akon, ngan Ako ha iyo" (Juan 15:4).
Kon diri Hiya naukoy ha imo kasingkasing, hin-o man? Ha pagkinita ha aton palibot, nakikita naton nga hi Satanas an nagmamando ngan nagruruba han kinabuhi han damu nga tawo. Hiya an nagmamando hini nga mga kasingkasing. Nagsasagdon Hiya han ngatanan hini nga mga karaotan sugad han pagbuwa, pangawat, kaipa, panlimbong, panimalos, ngan pagpahitaas han kalugaringon. Kon hi Satanas nag-uukoy ha imo kasingkasing ngan nag-aaghat ha imo nga magbuhat hin bisan ano hini nga mga sala ngan iba pa, kay ano nga diri ka kumadto ha Dios han mga dios nga naghatag han Iya bugtong nga Anak, hi Jesu-Kristo, basi mamatay para han imo mga sala ngan han mga sala han bug-os nga kalibotan (Juan 3:16)?
Nagpakiana ka, "Paonan-o ito totoo? Paonan-o an usa nga daku hinduro, gamhanan gud, ngan makagarahum ha ngatanan mag-uukoy ha akon kasingkasing?" (Isaias 57:15)
Kon nasasakit ka ngan kinakapoy na ha sala, kay ano nga diri tawagon an Dios ngan magbasol? Pinaagi han pagtoo ha Dios ngan pinaagi han nakagpasaylo nga dugo ni Kristo, mapapasaylo an imo mga sala ngan makarawat mo an bag-o nga kinaiya. Katapos, kon an mga pagsulay ni Satanas umabot, makakarawat mo an presensya han makagarahum-ha-ngatanan nga Dios. (Juan 14:26)
Ha Juan 10:10, hi Jesus nagsasaad hin hura nga kinabuhi ngan Hiya an makakahatag hito ha imo. Ini nga regalo imo makakarawat kon magpapabilin ka nga matinumanon ngan masinugtanon ha Iya. "Kon kamo andam ngan masinugtanon, makaon kamo han kaopayan han tuna" (Isaias 1:19). Waray iba nga dios nga sugad hito kaharangdon. Kon nakakaaghat ini ha imo kasingkasing, bangin karuyag mo basahon an tract nga: Kinahanglan Ikaw Ig-anak Utro. Ini nga tract, sugad man an iba pa, makikita ha amon website o makakag-order tikang ha adres nga aada ha ubos.