An dila amo an instrumento hit pagyakan. Pinaagi hini naluwas naton an aton mga pulong ngan aton napaabot an aton panhunahuna ha iba. Nagagamit gihap hiya ha damo nga paagi.
An yinaknan hit usa nga kristohanon mayda gugma, kamatuoran, kamaluluoyon ngan kalumo. Kun ini diri nakikit-an ha usa nga kinabuhi, bisan ano nga pag-angkon nga hiya puno ngan gintutungwayan han Espiritu waray iton kahulugan o kamatuoran. "Kinahanglan dayuday manamit ngan makawiwili an iyo pagyakan, ngan kinahanglan mahibaro kamo pagbaton hin maupay han ngatanan nga mapakiana ha iyo." (Mga taga-Kolosas 4:6). Kitaa gihap an Epeso 4:15, 25, 32. An yinaknan ngan an eksakto nga paggamit han dila usa ka importante nga paagi pagretrato han pagkatawo ni Hesus. Nagpapakita ini kon ano it ada hit aton mga kasingkasing ngan kon hin-o it aton ginseserbihan.
Usa nga urusahon nga panhinabo an nahitabo ha adlaw han Pentecostes. Kahuman pagkayab ni Hesus ha langit, an Baraan nga Espiritu ginbubo ha mga magturuo. Pinaagi han Baraan nga Espiritu nakakarawat hin gahum an mga kristohanon ha mga pagkinabuhi nga matinumanon ngan puno hin mag-upay nga mga hiyas.
An Milagro Han Mga Yinaknan ha Pentecostes
An pagbubo han Baraan nga Espiritu gin-updan hin usa nga milagroso nga pagpahayag hin mga yinaknan: "Han pag-abot na han adlaw han Pentecostes, nagkatitirok an ngatanan nga mga magtinuohon ha usa nga dapit. Tigda la nga nagdaguhob tikang ha langit in sugad hin makusog nga alipuros ngan nakapuno ini han bug-os nga balay diin hira nagkakalingkod. Ngan nakakita hira hin sugad hin mga dila nga kalayo nga hinmugdon ha kada usa ha ira. Napuno hira ngatanan han Espiritu Santo, ngan nagtikang hira pagyakan hin iba nga mga yinaknan, sumala han iginpayakan ha ira han Espiritu." (Mga Buhat 2:1-4)
Tungod nga nahasamwak man ini nga panhinabo ha bug-os nga Herusalem, an mga tawo nangagkatirok kon hain an mga disipulo. Nanhipausa hira hin duro, "tungod kay an kada usa nga mga tawo nakabati ha ira nga nagyakan han ira kalugaringon nga yinaknan" (Bersikulo 6). Mabasa naton "Nagsiring hira ha dako nga paghipausa, “Diri ba mga taga-Galilea ini ngatanan nga nagyayakan? Naunan-o man nga nakabati kita ngatanan ha ira nga nagyayakan han aton tagsa nga kalugaringon nga yinaknan? Dinhe ha aton may mga taga-Partia, taga-Media, taga-Elam, mga umurukoy ha Mesopotamia, ha Judea, ha Capadocia, ha Ponto, ngan ha Asia, ha Frigia, ha Pamfilya, ha Ehipto, ngan ha mga dapit han Libya hirani ha Cirene; mga taga-Roma an iba ha aton, mga Judiyo ngan mga Hentil nga nakabig ha tuluohan han mga Judiyo; mga taga-Creta ngan mga taga-Arabia an pipira ha aton—kundi nakabati kita ngatanan ha ira nga nagyayakan han aton kalugaringon nga mga yinaknan mahitungod han orosahon nga mga butang nga ginbuhat han Dyos!" (Mga Buhat 2:7-11)
Pagka-urusahon gud hadto nga milagro. Usa adto nga buhat han Dios ha pagbulig ha pagkilala han panahon han maupay nga Sumat han katalawasan. An pagwali han maupay nga Sumat nagkaada hin abyerto nga portahan o pagtikang ha duro kaurosahon nga paagi. Han pagtikang ni Pedro pagwali ngadto ha katawohan igintudlok ha ira an propesiya ni Joel: "Kundi amo ini an iginsiring han manaragna nga hi Joel: ‘Amo ini an akon pagbubuhaton ha kataposan nga mga adlaw, nasiring an Dyos: Ibububo ko an akon Espiritu ha ngatanan nga mga tawo. Mananagna an iyo mga anak nga kalalaken-an ngan mga anak nga kababayen-an... Hito nga panahon iipison ko an akon espiritu bisan ngada hin mga surugoon nga kalalaken-an ug kababayen-an" (Mga Buhat 2:16-18; Joel 2:28-29)
An panagna o propesiya nga ginihisgotan ni Pedro may kalabutan hit pagsumat hit mga Diosnon nga mga sagdon, an usa nga nagdeklarar han Iya mga kamatuoran. Amo ini an trabaho nga ka urusahon nga naepekto ha adlaw han Pentecostes nga ginklaro han regalo hin iba-iba nga pinulongan. Usa ka urusahon nga trabaho an natapos hito nga adlaw. Tulo ka yukot nga mga kalag an nakombertido ngan nabautismohan.
An panhitabo nagpadayon pagsumat ha aton nga nagpadayon hira ha "han mga apostoles, pakig-angbitay ha sasaro ngan ha mga pag-ampo." (Mga Buhat 2:42). Diri nakikit-an nga an mamarati nagyakan liwat hin iba nga mga yinaknan. Masayon pagsabot hit praktikal nga panuyo ngan epekto ha paggamit hin iba-iba nga yinaknan hini nga importante nga panahon. An kada usa nakakaintiende hit mensahe han iginwale.
An Importante han Propesiya o Pagpahayag (pag-paintindi o interpretasyon)
Hi Pablo nagsurat mahitungod hit mga yinaknan ha 1 Mga taga-Korinto. Ini nga parte hit kasuratan sumpay hit kapitulo 13, an kilala na kapitulo han gugma. Nagtikang ini hin usa nga sagdon ha pagsunod hit gugma. Ginsugdan ini hin sagdon ha pagpropesiya. Sugad nga an 1 Korinto 12 gintapos hin sagdon pagtalinguha gud hit pinakamaupay nga hatag, amo gihapon an ginpadayon nga panhunahuna ha 1 Korinto 14. Ini nga kapitulo usa nga panutdoan mahatungod hit importansya han klaro, maintendihan nga makapadig-on nga instruksyon. Ginkaklaro hini nga an pagpropeseya mas importante kay han pagyakan hin nagkadurudilain nga yinaknan.
An importansya han pagpropesiya usa nga panhunahuna nga ginbalikbalik hini nga kapitulo "Talinguhaon, labi na gud an hatag hin paghimangraw han mensahe han Dyos." (Bersikulo 1) "Kundi an nagyayakan han mensahe han Dyos naghihimangraw ha mga tawo ngan nahatag ha ira hin tambulig, kadasig, ngan kalipay" (bersikulo 3). "Karuyag ko... makaangkon kamo ngatanan han hatag hin paghimangraw han mensahe han Dyos." (besikulo 5) "Ha amo man nga pagkaagi, uunanhon hin paghisabti han iyo ginyiyinakan kon diri klaro an imo sumat pinaagi ha lain nga pinulongan?" (bersikulo 9). "Tungod kay karuyag man niyo hin pakaangkon han mga hatag han Espiritu, talinguhaa labaw han ngatanan hin pagpahimulos hadton nakakabulig hin pagpatubo han singbahan." (bersikulo 12). "Kundi ha singbahan nga pag-ampo, gabay pa magyakan ako hin lima la ka pulong nga nasasabtan, basi makatutdo ako han iba, kay hin magyakan hin yinukot nga mga pulong ha lain nga pinulongan." (bersikulo 19), "Mahihimo magyakan kamo ngatanan han mensahe han Dyos ha tinag-usa, basi mahibaro ngan madasig an ngatanan." (bersikulo 31)
An mga nanhiuna nga mga pahayag masayon sabton. Para han usa nga mensahe magin mabinungahon, kinahanglan ini maintindihan sugad han siring ni Pablo ha 1 Korinto 14:24-25: "Kundi kon magyakan an ngatanan han mensahe han Dyos, kon may sumulod nga diri matinuohon o ordinaryo nga tawo, makilala hiya han iya kamakasasala pinaagi han iya hinbabatian. Paghuhukman hiya pinaagi han ngatanan nga iya hinbabatian, mabubuksan an iya tinago nga mga panhunahuna ngan mayukbo hiya hin pagsingba han Dyos ngan masiring, “Waray ruhaduha an Dyos aanhi ha iyo!"
Mga Yinaknan nga Ginagamit nga Yinaknan
An milagro nga nahatabo sugad nga ginpahayag ha Mga Buhat kapitulo 2 klaro. Makakabulig kon an aton pag-intiende hini nga hatag ibasar hit aton naobserbahan han mga panhinabo dinhi nga kapitulo, diin may kalabutan hit yinaknan nga maintindihan.
Makikita nga may pagsimang ha pagsabot hit panuyo han gamit hini nga hatag didto ha singbahan ha Korinto nga amo an rason han panutduan nga aton makita ha 1 Korinto 12 nag 14. Ini nga panutduan nga aton makita ha 1 Korinto 12 nga 14. Ini nga panutduan nga aton makita ha 1 Korinto 12 ngan 14. Ini nga panutduan nahasubay gud hit mga nasasaksihan sugad hit ginpahayag ha Buhat 2, diin an mga magtutuo nakagyakan hin iba-iba nga mga yinaknan nga waray pa nira hi admi, mga yinaknan nga naintindihan han mga tawo nga tikang han iba iba nga lugar, ha kaagi nga an tagsatagsa nakabati hit ira kalugaringon nga yinaknan.
Paki-estorya ha Dios
May panhunahuna nga ginpahayag ni Apostol Pablo ha 1 Korinto 14 mahitungod hin pakigyakan ha Dios. "An mga tawo nga nagyayakan hin lain nga mga pinulongan nagyayakan diri ngadto han mga tawo kundi ngadto sa Dyos, kay waray nakakasayod ha iya. Naghihimangraw hiya hin tinago nga mga kamatuoran pinaagi han gahom han Espiritu."(Bersikulo 2), "An tawo nga nagyayakan hin lain nga mga pinulongan nabulig ha iya la kalugaringon" (Verse 4). Maaram kita nga han hunahuna ngan kasingkasing han usa nga Kristohanon mayda inaabat ngan panhunahuna nga usahay diri naton matukib o diri nakita makatara hin igo nga pulong para naton mapahayag. Ha usa nga higayon ni Apostol Pablo nasiring parte hit pag-ampo, "Ha amo nga paagi, an Espiritu nabulig liwat ha aton dida han aton kamaluya. Kay diri kita maaram kon uunanhon naton an pag-ampo; kundi an Espiritu ngahaw an nanginginyupo han Dyos para ha aton pinaagi hin mga pangaraba nga makuri ipagawas ha mga pulong. Ngan an Dyos nga nakita han mga kasingkasing han tawo maaram han ginhuhunahuna han Espiritu; kay an Espiritu han Dyos nanginginyupo para han iya mga tawo, ngan sumala han iya kaburut-on" (Mga Romano 8:26-27). Diri ini nagkakahulugan hin usa nga yinaknan nga diri naintindihan.
Importante nga mga Puntos
Natuod kami nga an pagyakan hin mga yinaknan usa nga hatag pinaagi hit Espiritu Santo. (1 Korinto 12:4, 8-10, 28-30)
Ha usa nga bahin, ngaran an hatag han yinaknan ha bag-o nga testamento usa nga hatag han Espiritu, diri ini nga bunga han Espiritu (Taga Galatia 5:22-23). An bunga han Espiritu kinahanglan makikit-an ha mga kinabuhi han mga magturuo. An hatag nga yinaknan ginhatag hin pipira kondi diri ha ngatanan nga magturuo. Diri ini nagseserbe nga ebedensya han presensya han Espiritu Santo ha usa nga tumuruo o kristohanon.
An hatag nga yinaknan ginhatag hadi pagpuno hit espesyal nga panginahanglan han bag-o pa an singabahan:
A. Usa nga bulig pagpasamwak han maupay nga sumat ngadto han mga tawo nga may nagkadurudilain nga mga yinaknan, sugad han kabutangan han Adlaw han Pentecostes (Mga Buhat 2:1-11)
B. Usa nga tigaman ngan ebidensya nga an plano han, katalwasan diri la para hit mga Hudeo kondi para gihapon ha mga Hentil ngan nga diri la hira akseptaron gihap ha Singabahan han Dios (Mga Buhat 10:44-47, 11:15-18)
C. Usa ini nga paagi nga an Espiritu Santo makahatag hin direksyon hit ga kinahanglanon ngan mga kakurian han bata pa nga singbahan han waray pa mahimo an Bag-o nga Testamento ngan ugsa maporma an kabug-osan han mga doktrina. (1 Korinto 14:26-28)
Dida han nagtikadako na an Singbahan, an panginahanglan han hatag han mga yinaknan nagtikaguti talagsa na la mabatian.
An mga kasuratan han mga apostoles waray magrekomendar han pagyakan hin mga yinaknan nga usa nga importante nga parte hit kristohanon nga kinabuhi. May mga tawo yana nga panahon nga nagtututdo nga an pagyakan hin mga yinaknan usa nga kinahanglanon nga tigaman han presensya han Espiritu ha usa nga tumuruo nga naghatag hini hin dako nga kabug-aton ha kaagi nga damo lugod nga ga patukuranan nga doktrina an nalikatan. Damo nga mga tinatawag nga eksperyensya hin pagyakan hin mga yinaknan nga nagdadara hin atensyon ha kalugaringon ngan diri naghihimaya ha langitnon nga Amay. Diri ini nauyon hit nahitabo ha adlaw han Pentecostes.
An Gamit han Dila
Damo an nasiring han kasuratan parte hit gamit hit dila ngan bahin han yinaknan ha kinabuhi. Damo hini nga mga panutduan nagtutudlok ha aton kinaadlaw nga yinaknan ngan ini para ha kada usa. An kasuratan naghuhulagway kon ano nga yinaknan an angay ha usa nga anak han Dios. An dila kinahanglan nga ilarom ha pagdumara han Espiritu Santo.
Hi Hesus nagsiring. "Iginsusumat ko ini ha iyo: ha Adlaw han Paghukom maghahatag hin kasayoran an tagsatagsa han kada waray pulos nga pulong nga iya ginyakan. Kay gagamiton an iyo mga pulong hin paghukom ha iyo ngahaw, hin pagpahayag kon salaan ba kamo o diri" Mateo 12:36-37.
Hi Jacobo "Usa nga surugoon han Dios ngan han Ginoong Hesukristo." Nagsurat hin klaro parte hini. Hiya nagsurat, "May-ada ba ha iyo naghuhunahuna nga mainampoon hiya? Waray pulos an iya tuloohan kon diri hiya makapugong han iya dila, ngan ginlilimbongan la niya an iya kalugaringon" (Jacobo 1:26). Dugang pa nga panutduan parte hini makit-an ha Jacobo 3:2-10.
An Yinakanan han Usa nga Kristohanon nga Minanduan han Espiritu
Hi Hesus nagyakan mahatungod hadton matuo ha Iya, "magyayakan hira hin bag-o nga mga pinulongan" (Markos 16:17). Bisan kon hi Hesus naghunahuna han mga milagroso nga mga hatag nga ipaangbit ngadto hit mga tumuruo kahuman han Pentecostes, an iya mga yakan nagdadara hin kahalarom nga espirituhanon ngan kahulugan. An usa nga natawo hin utro nga anak han Dios, ginmanduan han Espiritu ha kamatuuran magkaada hiniba nga yinaknan, iba kay han iya naaraan, ngan iba kay han yinaknan han mga kalibutan ha iya palibot. Aton kitaon an pipira nga butang nga igintutdo hit kasuratan mahatungod hit aton yinaknan.
Hi Apostol Pablo nagsurat, "An ginhihimangraw ko nga kinaadman amo an kanan Dyos tinago nga kinaadman nga ginhipos tikang ha katawhan... Sanglit diri kami nagyayakan han mga pulong nga igintutdo han kinaadman han tawo, kundi han mga pulong nga igintutdo han Espiritu, ha pagsaysay namon han mga kamatuoran nga espirituhanon ngadto han mga nakaangkon na han Espiritu." (1 Mga Korinto 2:7-13). Damo nga panutduan parte hini nga igintutdo han Baraan nga Espiritu parte hini nga butang.
Hi Pablo nagsurat ngadto ha Mga Taga-Kolosas "Kinahanglan dayuday manamit ngan makawiwili an iyo pagyakan, ngan kinahanglan mahibaro kamo pagbaton hin maupay han ngatanan nga mapakiana ha iyo." (Mga Taga-Kolosas 4:6). Iya ginrecomendar kan Titu "mag-upay nga mga pulong nga diri kasususnan" (Titu 2:8). Ngadto han mga taga Filipos nagsurat hiya, "Ngan yana, an importante nga butang amo nga mag-ukoy (o magyakan) kamo hin kinabuhi nga subay han Maupay nga Sumat ni Cristo" (Filipos 1:27).
Hi Pedro nagsurat, "kinahanglan magbaraan kamo ha ngatanan nga iyo ig-uurustorya" (1 Pedro 1:15) ngan "Kinahanglan magmabaraan kamo ngan ihalad sa Dyos an iyo kinabuhi" (2 Pedro 3:11). Bisan kon an pulong nga pakigyakan ginagamit ha King James Version (KJV) nga nga nangangahulugan hin batasan. Ini gihapon maaplikar pagkahulugan nga inistoryahon.
Hi Apostol Pedro nagtututdo ha aton pagbaya hit "Sanglit bayai niyo an ngatanan nga maraot nga pagyakan" (1 Peter 2:1) ngan sugad man kan Apostol Pablo (Efeso 4:31)
An Dila Sugad nga Instrumento han Baraan nga Espiritu
Hi Apostol Pedro nagsumat, "An magwarali kinahanglan magwali han mga pulong han Dyos" (1 Pedro 4:11). An kada kristohanon kinahanglan maghingyap nga mahimo nga usa nga garamiton ha pagkomunikar, usa nga tagubaba para han Dios para hini nga panuyo. Hi Hesus nasiring, "magigin mga saksi ko kamo " (Mga Buhat 1:8)
An hingyap han usa nga kristohanon amo an kumunikasyon nga magawas hit iya baba kinahanglan "pulong la nga nakakatabang, an nakakapadasig, ngan angay han kahimtang, basi makaupay an iyo iginyayakan han mga namamati ha iyo." (Efeso 4:29). Para ini ha tanan nga kristohanon.
An Pagdayaw han Dios ngan pag-ampo amo an kaangayan nga gamit han dila. An pagkamapinasalamaton kinahanglan nga mapadangat ha Dios ngan ha tawo. Ha taga Efeso nagsurat hi Pablo, "...kundi mapuno lugod kamo han Espiritu. Magyakan kamo hin mga pulong han mga salmos, mga imno, ngan baraan nga mga karantahon. Magkanta kamo hin mga imno ngan mga salmo ngadto han Ginoo upod in pagdayaw ha iyo mga kasingkasing. Ha ngaran han aton Ginoo Jesu-Cristo, dayuday mapasalamat kamo tungod han ngatanan nga mga butang." (Efeso 5:18:20)
Duha nga pagsaway nga ginhatag han panutduaan ni Pablo ha 1 Korinto 14 nga may importansya: "kay waray kita tawaga han Dyos nga magmasamok" (v30), ngan "Kinahanglan buhaton an ngatanan ha angay ngan tuhay nga paagi." (v 40). An pagkawala ngan waray pagtatakun nga yinaknan ngan aksyon diri nahasubay hini. It kaangayan ngan respetado ngan respetado ga batasan usa nga hikirit-an hit katawohan han Dios. ha usa nga lugar nagsurat hi Pablo, "Ipakita niyo ha ngatanan an iyo ka malumo ha kasingkasing." (Mga Taga-Filipos 4:5)